Langsam wird's wieder Zeit, die Weihnachtskarten zu schreiben, aber aufgepasst dabei, nicht, daß es Euch auch so geht, wie dem Sepp!!!


Die Weihnachtskarten


Sie: Aus der Küche: He, Sepp!
Er: Im Wohnzimmer: Ja!
Sie: Was tust'n grad?
Er: Fernsehschaun. Schispringa kommt!
Sie: Du könnt'st die Weihnachtskart'n schreibn!
Er: Hob i scho g'macht und a scho fortg'schickt!
Sie: Wos? Daß du da vo selba draukomma bist? Des wundert mi fei scho!
Er: Ganz stolz: Gell, do schaust!
Sie: I hätt g'wett, daß du die Kartn gar net find'st!
Er: I bin doch net bläd!!!!
Leise: Glaubt die vielleicht, daß i bläd bin??? I werd doch no in der
Lage sein, a paar Kartn aus'm Wohnzimmerschrank zu holn,
a Briefmarkn draufzumpappn und des ganze Glump auf'd Post
zum tragn. I bin doch schließli net bläd!!!
Sie: I hob's extra in Esszimmerschrank neig'legt und i hätt g'wett, daß du
im Wohnzimmerschrank nachschaust.
Er: Leise: Jetzatla blick i nimmer durch???
Sie: Wos sagst?
Er: Ach, nix!
Sie: Im Wohnzimmerschrank, da san nämli bloß die Beileidskartn drin, die
was i auf Vorrat eikauft hab!
Er: Ja, mi hast g'haut!!!
Sie: Wos sagst?
Er: Ah...... Gell, do schaust!
Sie: Hast an guat'n Rutsch a glei draufg'schriebn?
Er: Des kannst laut sagn!!!
Sie: Wos???
Er: Laut: Des kannst laut sagn!!!
Sie: Nacha is des GottseiDank a scho erledigt! Weißt, a solche Kartn is
zwar bloß a kleine Geste, aber es is einfach a Zeichn, daß ma Anteil
nimmt.
Er: Du glaubst gar net, wie recht daß du host!!!
Sie: Ja, eben!



Also, schaut die Karten nochmal an, bevor Ihr sie wegschickt, ok????

"Apfentliche" Grüße
von Leni